«ԷՖ-ԴԻ-ԷՅ Լաբորատորիա» ՍՊԸ փորձարկման լաբորատորիան իր գործունեության ընթացքում մշտապես կարևորել է կրթության, ուսուցման վերաբերյալ հարցերը:
Ունենալով բարձր որակավորում ունեցող մասնագետների թիմ՝ ոլորտում կարողանում է աչքի ընկնել իր նորարարական մոտեցումներով:
Ի ուրախություն ոլորտի ապագա մասնագետների, տեղեկացնում ենք, որ «ԷՖ-ԴԻ-ԷՅ Լաբորատորիա» ՍՊԸ փորձարկման լաբորատորիան սկսել է իրականացնել վերապատրաստման՝ «Հեղուկային քրոմատագրաֆիայի հիմունքներ», տեսական և գործնական դասընթացներ:
Ի սկզբանե գնահատվում է մասնակիցների գիտելիքների մակարդակը, իսկ այնուհետ սկսվում են համապատասխան դասընթացները, որոնք ուղղված են ոչ միայն խորացնելու մասնակիցների գիտելիքներն, այլև զինելու նրանց նոր գիտելիքներով՝ արդի պահանջներին համապատասխան:
Դասընթացի ավարտին տրվում է վկայական, իսկ փայլուն առաջադիմություն ունեցողներին ընձեռվում է հնարավորություն դառնալու «ԷՖ-ԴԻ-ԷՅ Լաբորատորիա» ՍՊԸ փորձարկման լաբորատորիայի աշխատակից:
Ընկերության տնօրինությունը վստահ է, որ այս քայլը կարևոր և լուրջ նշանակություն ունի թե´ ոլորտի, և թե´ հայաստանյան աշխատաշուկայի համար: